Khwaab Aankhon Mein Chubho Kar Dekhon
Kaash Main Bhi Kabhi So Kar Dekhon
Shayad Ubhray Teri Tasveer Kahen
Main Teri Yaad Mein Ro Kar Dekhon
Issi Khwahish Mein Mita Jata Hun
Tere Paon Teri ThoKar Dekhon
Ashk Hain Vehm Ki Shabnam K Lahoo
Apni Palkain To Kabhi Bhigo Kar Dekhon
Kesa Lagta Hai Bichhar Kar Milna
Main Achanak Tujhe Kho Kar Dekhon
Ab Kahaan Apne Gireban Ki Bahaar
Taar Mein Zakhm Pirro Kar Dekhon
Mere Hone Se Na Hona Behtar
Tu Jo Chahay Tera Ho Kar dekhon
Rooh ki Gardd Se Pehlay MOHSIN
Daagh-e-Daman Ko Tou Dho Kar Dekhon.
No comments:
Post a Comment