Barish Poetry, Heart Touching Poetry, Rainy Day Picture, Sad Poetry, Sad Picture Poetry,


Barish-e-sang-e- malamat main sharaboor rahey
Harf aaye naa tujh par , tujh say door rahey,

Aatish e qalb bhujaney say kahan bhujtee hay
Dil main khawabeedaa agar yaad kay shurur rahey,

Natawaan jism o jaan, dunyaa say woh takar laynaa
Hum essee baat pay had darjaa maghroor rahey,

Dard barh jaye to khud aap marham hotaa hay
Suna jo hum nay to phir hum bhee zakhm choor rahey,

Hansatey rahtey hain sar e bazm, hay aadat apnee
Hum to woh hain kay dukh uthaa kay bhee masroor rahey,

Barh gayee had say sharafat to kuchlay jao gay
Yaad har pal tumhain dunya kaa yeh dastoor rahey,

Ghazal main haal jo hum apna bayaan kar baithey
es dil kay hathon bohat majboor rahey.




Barish Poetry, Heart Touching Poetry, Rainy Day Picture, 
Sad Poetry, Sad Picture Poetry, 

No comments:

Post a Comment

Related Posts Plugin for WordPress, Blogger...