Muddat se mera dil hai ke abaad nahi hai
Honthon par magar aaj bhi fariyaad nahi hai
Aata hai khayaalon mein mere ek hi chahra
Bas iske siwa kuch bhi mujhe yaad nahi hai
Phirte hai sabhi log yaha sehme hue se
Is shahar mein jaise koi azad nahi hai
Dekha hai ujadte hue kitne hi gharo ko
Hai koun jo is ishk mein barbaad nahi hai
Udne ko parinde sabhi par tol rahe hai
Lagta hai chaman mein koi sayad nahi hai
Dil jiski judai mein dhadkta hai saari shaam
Wo aam sa chahra hai pari zaad nahi hai
Ek lehar si uthti hai aaj bhi dil mein
Is lehar ke uthne ka sabab yaad nahi hai.
Heart Touching Urdu Poetry, Urdu Ghazal Poetry,
Urdu Poetry, Sad Poetry, Sad Urdu Poetry,
No comments:
Post a Comment