Jiska koi haasil nahi aisa ek khawaab dekha tha
Raat haatho mein apne ek mahtab dekha tha
Shab bhar khushi se jaagi rahi hai aankhain
Aaj pehli baar apne liye use betaab dekha tha
Ab ke bahar mein bhi woh zard sa dikhayi diya
Khiza'n rut mein bhi jis chehre ko gulab dekha tha
Jo sab kuch hi bahakar saath le gaya hai mera
Dil ke dariya mein aisa ek sailaab dekha tha
Aaj yoohi chhoti si maat pe roya hai der talak
Ye dil jise baare baare dukhoon par shadab dekha tha
Duniya pooche tere dil ke busti kya huwi Ghazal
Kaha!nahi maloom,ek baar use zair-e-aab dekha tha.
Heart Touching Urdu Poetry, Sad Urdu Poetry, Sad Urdu Ghazal, Urdu Ghazal,
Urdu Ghazal Poetry, Urdu Poetry, Heart Touching Poetry,
No comments:
Post a Comment