Ussne door rehne ka mashwara bhi likha hai
Saath hi muhabbat ka vasta bhi likha hai
Ussne ye bhi likha hai mere ghar nahin aana
Saaf saaf lafzon mein rasta bhi likha hai
Kuch haroof likhe hain zabt ki naseehat mein
Kuch haroof mein ussne hosla bhi likha hai
Shukriya bhi likha hai dil se yaad karne ka
Dil se dil ka hai kitna faasla bhi likha hai
Kya usse likhen'mohsin'kya usse kahe Mohsin
Jis ne kar ke be-jaan phir jan-e-jaan bhi likha hai.
No comments:
Post a Comment