Yadon Sey Rishta Kal Bhi Tha

Yadon Sey Rishta Kal Bhi Tha
Yadon Sey Rishta Aaj Bhi Hai

Dil Kal Bhi Apna Dukhta Tha
Dil Afsurda Sa Aaj Bhi Hai

Tum Door Huvey Majboori Mein
Hum Toot Gaye Is Doori Mein

Kabhi Waqt Miley Tu Lout Aana
Ye Dil Ka Dar Wa Aaj Bhi Hai

Tum Khush Ruho Abaad Ruho
Dil Apna Tu Barbaad Huwa

Gham Dil Ka Sahara Kal Bhi Tha
Aur Gham Ka Mara Aaj Bhi Hai

Yeh Ashk Nahi Hain Aankhon Mein
Ye Taarey Jhilmil Kartey Hain

In Ankhon Mein Jo Kal Tak Tha
Vohi Chaand Sa Chehra Aaj Bhi Hai

Ab Shikwa Kisi Se Kya Karna
Taqdeer Mein Jo Likha Tha Mila

Gham Kal Bhi Mera Sarmaya Tha
Gham Mera Virsa Aaj Bhi Hai.