Tum Ager Mujh Ko Na Chaho To Koi Baat Nahi

Tum Ager Mujh Ko Na Chaho To Koi Baat Nahi
Tum Kisi Aur Ko Chaho Gay To Mushkil Hogi

Ab Ager Meail Nahi Hai To Judayi Bhi Nahi
Baat Tori Bhi Nahi Tum Ne Banayi Bhi Nahi

Ye Sahara Bhi Buhat Hai Meray Jeenay K Liye
Tum Ager Mere Nahi Ho To Paraye Bhi Nahi

Meray Dil Ko Na Saraaho To Koi Baat Nahi
Ghair K Dil Ko Saraho Gay To Mushkil Hogi

Sab Ki Aankhon Mein isi Shoq Ka ToofaaN Hoga
Sab Kay Seenay Mein Yahi Dard Ubhertay Hongay

Meray Ghum Mein Na karaaho To koi baat Nahi
Aur K Ghum Mein karaho gay To Mushkil Hogi

Phool Ki Tarah Hanso Sab ki Nigahon Mein Raho
Apni Maasoom Jawani Ki PanahoN Mein Raho

Mujh Ko Wo Din Na Dikhana Tumhein Apni Hi Qasam
Main Tarasta Rahoon Tum Ghair K BaanHoN Mein Raho

Tum Jo Mujh Se Na Nibaho To Koi Baat Nahi
Kisi Dushman Se Nibaho Gay To Mushkil Hogi

Tum Ager Mujh Ko Na Chaho To Koi Baat Nahi
Tum Agar Kisi Aur Ko Chaho Gay To MUSHKIL HOGI.