Meri chahat ki bohat lambi saza do mujh ko
Karb e tanhai mein jeeney ki dua do mujhe ko
fun tumhara tou kisi aur se mansoob howa
koi meri ghazal hi akar suna do mujh ko
Haal behaal hai tareek hai mustakbil bhi
Ho saky tum se tou maazi mera la do mujh ko
Akhri shama hoon mein bazm e wafa ki logo
Chahey jalne do Mujhe chahe bujha do Mujh ko
Khud ko rakh k mein kahin bhool gayi hon shayed
Tum Meri zaat se aik bar Mila do mujh ko.
No comments:
Post a Comment