Latest Urdu Poetry, New Urdu Poetry, Urdu Heart Touching Poetry, Sadest Urdu Poetry, Urdu Poetry With Images,

Chahe Jidhar Bhi Rukh Ho Hawa Ka Diya Jale
Jab Tak Chala Na Jaaye Andhera Diya Jale,

Milta Rahe Jahan Ko Ujala Diya Jale
Dil Ki Ye Aarzoo Hai Hamesha Diya,

Ghar Ho Kisi Amir Ka Ya Ho Gharib Ka
Har Ghar Me Aaj Sham Khushi Ka Diya Jale,

Dipawali Ki Sham Kuchh Aisi Ho Roshni
Mit Jaye Har Burai Ka Saaya Diya Jale,

Taarikiyan Hon Raat Ki Tu Ho Mere Qarib
Dekhun Main Tere Husn Ka Jalwa Diya Jale,

Honton Se Tu Pilaye Main Peeta Rahun Sharab
Bujhne Na Paaye, Pyaas Ka Aisa Diya Jale,

Fezan Roshni Ho Mohabbat Ki Bazm Me
Shamma Jale Chiragh Jale Ya Diya Jale.