Fareb e zaat se niklo jahan k saanehy dekho
Haqeeqat munkashif ho gi kabhi to ainey dekho
Wo aik ajnabi jis se taaluq sarsari sa tha
Hamare dil mein hote hein usi k tazkare dekho
Likha hy waqt ne ye bhi ajab apne muqaddar mein
Palatna he nahi jis ko usi k raaste dekho
Hamen samjho na khush itna labon ki muskurahat se
Hamari aankh mein phele hazaron haadse dekho
Thakay haare se bethe thay magar teri sda sun kar
Shikasta paa chale aye hamare hosle dekho.
No comments:
Post a Comment