Yeh mera dil ko bhaati hai, Such A Beautifull And Romantic Urdu Ghazal, Picture Poetry,

Mein shaa'ir hon to akser log mujh se pochtay hain,

Is haseen israr k baray mei,

Bataye to bhala kia hai...?

Mohabbat aakhir shay hai kia...?

Wasi mei hans k kehta hon,

Kisi piyasay ko apny hissay ka paani pilana bhi,

Mohabbat hai

Bhanwer mei doobtay ko sahilon tak lay kay jana bhi,

Mohabbat hai

Kisi kay waastay nanni si qurbani, mohabbat hai,

Kaheen hum, raaz saray khol saktay hon magar phir bhi,

Kisi ki bay bassi ko daikh kr khamosh reh jana

Mohabbat hai

Ho dil mai dard, weerani magar phir bhi,

Kisi kay wastay jabran hi honton per hansi lana

Zabardasti hi muskana,

Mohabbat hai

Kaheen baarish mai sehmay, bheegtay billi kay bachay ko,

Zara si dair ko gher lay k aana bhi,

Mohabbat hai

Koi chirya jo kamray mai bhatakti aan nikli ho,

To us chirya ko

Pankhay band kr k raasta bahir ka dikhlana,

Mohabbat hai

Kisi kay zakhm sehlana,

Kisi rotay huay k dil ko behlana mohabbat hai,

K meetha bol, meethi baat, meethay lafz, sab kia hai?

Mohabbat hai

Mohabbat aik hi bas aik hi insan ki khatir,

Magan rehna

Hamma waqt us ki baaton, khusbooyon mai,

Dolna kab hai ?

Mohabbat sirf us ki zulf kay bal kholna kab hai,

Mohabbat kay hazaron rang

Lakhon istaray hain,

Kisi bhi rang mai ho yeh

Mujhay apna banati hai

Yeh mera dil ko bhaati hai..

Urdu Ghazal, Urdu Poetry, Heart Touching Poetry, 

Pictur Poetry, Romantic Ghazal, Sad Poetry,