Jab Yunhi Kabhi Baithe Baithe

Jab Yunhi Kabhi Baithe Baithe
Kuch Yaad Achanak Aa jaye
Her Baat Se Dil Bayzar Sa Ho
Her Cheez Say Dil Ghabra Jaye
Karna Bhi Mujhay Kuch Aur He Ho
Kuch Aur Hi Mujh Say Ho JaAy
Kuch Aur He Sochoon Mein Dil Mei
Kuch Aur He Hontoon Per Aa Ay
Aisay He Kisee Aik Lamhay Mein
Chupkay Say Kabhi Khamoshi Mein
Kuch Phool Achanak Khil Jayen
Kuch Betay Lamhay Yaad Aayen
Us Waqt Terey Yaad Aatee Hai
Jab Chandni Dil Kay Aangan Mein
Kuch Kehnay Mujh Say Aa jaAy
Ik Khwabedaa Se Chote Koi
Ehsaas Pay Meray Chaa jaAy
Jab Zulf Parayshaan Chehray Per
Kuch Aur Parayshaan Ho JaAy
Kuch Dard Bhi Dil Mein Honay Lagay
Aur Saans Bhi Bojhal Ho jaAy
Aisay He Kisee Aik Lamhay Mein
Chupkay Say Kabhi Khamoshi Mein
Kuch Phool Achanak Khil JaAin
Us Waqt Terey Yaad Aatee Hai
Jab Shaam Dhalay Chaltay Chaltay
Manzil Ka Na Koi Naam Milay
Hansta Hua Ik Aaghaz Milay
Rota Hua Ik Anjaam Milay
Palkoon Kay Laraztay Ashkoon Se
Is Dil Ko Koi Paygham Milay
Aur Sari Wafaoon Kay Badlay
Mujh Ko He Koi Ilzaam Milay
Aisay He Kisee Aik Lamhay Mein
Chupkay Say Kabhi Khamoshi Mein
Kuch Phool Achanak Khil JaAin
Kuch Beetay Lamhay Yaad AaAin
Us Waqt Terey Yaad Aatee Hai
Shidat Say Terey Yaad Aatee Hai.

Sad Urdu Ghazal, Urdu Ghazal Poetry, Urdu Poetry, 

Heart Touching Poetry, Heart Touching Ghazal,