Tumhe Jab Kabhi Mile Fursatein Mere Dil se Bojh Utaar Do
Main Bahut Dino Se Udaas Hoon Mujhe Ek Shaam Udhaar Do
Mujhe Apne Roop Ki Dhoop Do K Chamak Sake Mere Khad-o-khal
Mujhe Apne Rang Mein Rang Do Mera Sara Zang Utaar Do
Kisi Aur Ko Mere Haal Se Koi Gharz Hai Na Hi Wasta
Mere Dil pe Haath Rakho Zara Meri Dhadkano Ko Qaraar Do
Tumhe Subah Kaisi Lagi Kaho Meri Khwahishon Ke Dayaar Ki
Jo Bhali Lage To Yehi Raho Ise Chahaton Se Nikhaar Do
Wahan Ghar Pe Kaun Hai Muntazir K Ho Fikr Der Sawer Ki
Badi Mukhtasir Si Ye Raat Hai esse Chandni Mein Guzaar Do
Koi Baat Karni Hai Chand Se Kisi Shakhsaar Ki Aout Mein
Mujhe Raaste Mein Yahin Kahin Kisi Kunj-E-Gul Mein Utaar Do.
No comments:
Post a Comment