Na siyo honth na khwabon mein sadaa do hum ko
Maslehat ka ye takaaza hai bhula do hum ko
Hum hakeekat hain to tasleem na karne ka sabab
Haan agar harf-e-ghalat hain to mita do hum ko
Shorish-e-ishq mein husn baraabar hai shareek
Soch kar jurm-e-muhabbat ki sazaa do hum ko
Maqsad-e-jeest gham-e-ishq sahra ho ke shaher
Baith jaaeinge jahaan chaaho bitha do hum ko.
No comments:
Post a Comment