Kahani Dard Ki Main Zindagi Se Kya Kehta
Ye Dard Usne Dia Hai Usi Se Kya Kehta
Gila To Mujh Ko Bhi Karna Tha Piyaas Ka Lekin
Jo Khud Hi Sookh Gaya Us Nadi Se Kya Kehta
Mere Azeez Hi Mujh Ko Samajh Na Paye Kabhi
Main Apna Haal Kisi Ajnabi Se Kya Kehta
Andheri Raat Ne Mujh Ko Bohot Sataya Hai
Bhala Ye Baat Main Ab Roshni Se Kya Kehta
Tamaam Shehar Main Tha Raaj Jhoot Ka "Sheheryar"
Main Apne Gham Ki Haqeeqat Kisi Se Kya Kehta.
No comments:
Post a Comment