Jab wo ek shakhs dastras mien tha
Us se milna tumhary bus mein tha
Uski aankhain tumhari aankhain theen
Uski baatain tumhari baatain theen
Uska chehra tumahra chehra tha
Us k dil pe tumhara pehra tha
Wo jo kehta tha beqarari hy
Meri saari wafa tumhari hy
Sirf tumse mujay mohabbat hy
Sirf tumse meri haqiqat hy
Tab tum us k her ek jumly ko
Tab tum us k her ek jazbay ko
Ek hansi mein uraya karty thy
Sunn k tum bhool jaya karty thy
Apni tanhai k galay lag k
Saray aansu wo roo gya ek din
Ek pather se dil-lagi kar k
Khud bhi pather ka ho gya ek din
Ab wo tumse to kuch nahi kehta
Be-Niyazi k dukh nahi sehta
Uski aankhain ab uski aankhain hain
Uski baatain ab uski baatain hain
Bhool jana tumhari adat hy
Ab wo ek shakhs dastras mein nahi
Us se milna ab tumhary bus mein nahi
Kis liye phir uddas bethy ho.
No comments:
Post a Comment