Mere baad kidhar jaayegii tanhai


Mere baad kidhar jaayegii tanhai
main jo maraa to mar jaayegii tanhai

main jab ro ro ke dariyaa ban jaunga
us din paar utar jaayegii tanhai

tanhai ko ghar se ruKhsat kar to do
socho kis ke ghar jaayegii tanhai

viiraanaa huuN aabaadii se aayaa huN
dekhegii mujhe to Dar jaayegii tanhai

yn aao ki paaon ki bhi awaz na ho
shor hua to mar jaayegi tanhai.

No comments:

Post a Comment

Related Posts Plugin for WordPress, Blogger...