Na shoq hai na tamanna na yaad hai dil mein
Ke mustaqil kisi ghamm ki nehad hai dil mein
Hai alif laila-o-laila si zindgi darpaesh
So jagti huei ik Shehrzad hai dil mein
Jo zabt-e-chashm kay baaes na ashk bann paya
Uss aik qatra-e-khoon ka fasad hai dil mein
Phir aik sheh-e-Saba say bulawa aaya hai
Phir aik shoq-e-Suleman nazad hai dil mein
Hai aik sehr-e-dill aawez ka aseer badan
To jaal binti koi aur yaad hai dil mein
Tamam khwahishein aur hasratein tamam huein
Magar jo sabb say ajab thi murad hai dil mein.
No comments:
Post a Comment