Urdu Heart Touching Poetry,

Main Bhool Javoon Jisse Yeh Woh Hadsa Bhi Nahi
Woh Aaj Aise Mila Jaisa Jaanta Bhi Nahi

Mere Khayal Ki Dehleez Pai Woh Aah Baithe
Ab Uss Se Bach Ke Guzarne Ka Raasta Bhi Nahi,

Zahe Naseeb Woh Naraaz Ho Gaiye Hum Se
Yeh Aur Baat Hai Ki Apni Koi Khata Bhi Nahi,

Kisse Khabar Thi Ki Suraj Bhi Rooth Jaayega
Uss Aik Makaan Se Jiska Koi Dia Bhi Nahi,

Sajaiye Rehte Hai Ashkoon Ke Deep Palkoon Par
Ajeeb Shaqs Hai Kuch Moo Se Bolta Bhi Nahi,

Humari Samt Sabhi Raaste Simat Aaye
Tumhari Samt Abhi Yeh Qadam Utha Bhi Nahi,

Kisi Ki Raat Hai Roshan Charagh Ki Manand
Kisi Makaan Main Bujhta Huwa Diya Bhi Nahi,

Lo Hum Ne Zeest Bhi Kardi Usse Ke Naam Sarosh!
Joh Hum Ko Pyar Se Ek Bar Daikhta Bhi Nahi.