Urdu Poetry, Urdu Ssadest poetry, Sad Poetry,

Har Taraf Har Jagah Be-Shumaar Aadmi

Phir Bhi Tanhaaiyon Ka Shikaar Aadmi,

Subh Se Shaam Tak Bojh Dhotaa Hua

Apni Hi Laash Ka Khud Mazaar Aadmi,

Har Taraf Bhaagte Daudte Raaste

Har Taraf Aadmi Ka Shikaar Aadmi,

Roz Jeetaa Hua Roz Martaa Hua

Har Naye Din, Naya Intezaar Aadmi,

Zindagi Ka Muqaddar Safar Dar Safar

Aakhri Saans Tak Be-Qaraar Aadm.