Urdu Ghazal, Urdu Poetry, Urdu shairy, Sad Ghazal,

Sanso K Is Huner Ko Na Aasan Khayal Kar
Zinda Hon Sa'aton Ko Sadion Mein Dhal Kar,

Mali Ne Aaj Kitni Duain Wasool Ki
Kuch Phool Ek Faqeer Ki Jholi Mein Dal Kar,

Kal Youm-E-Hijar Zard Zamano Ka Youm Hai
Shab Bhar Na Jag Muft Mein Aankhain Na Laal Kar,

Ay Gird Bad Lout K Aana Hai Phir Mujhe
Rakhna Mere Safar Ki Aziyat Sambhal Kar,

Mehraab Mein Diye Ki Tarha Zindagi Guzar
Monh Zor Aandhion Mein Na Khud Ko Nidhal Kar,

Shayad Kisi Ne Bukhl-E-Zameen Par Kia Hai Tanz
Gehre Samandaron Se Jazeere Nikal Kar,

Ye Naqad Jaan K Is Ka Lutana To Sahal Hai
Gar Ban Pare To Is Se Bhi Mushkil Sawal Kar,

Mohsin Barhana Sur Chali Aai Hai Sham-E-Gham!
Ghurbat Na Dekh Is Sitaron Ki Shaal Kar.