Hairaan hon ye Kounsa Dastoor-e-Wafa hai

Hairaan hon ye Kounsa Dastoor-e-Wafa hai
Tu misl-e-rag-e-jaan hai to kiun mujh se juda hai,

Tu ehl-e-Nazar hai to nahi tujh ko khabar kiun?
Pehlo mai tere koi Zamanay se khara hai,

Likha hai mera Naam Samnadar pe Hawa ne
Aur dono ki fitrat mai Sakoon hai na Wafa hai,

Uth'ti hain jo pehlu se mere Dard ki lehrain
Be-taab Samandar koi Seenay mai daba hai,

AY ZEEST KE DOZAKH SE GUZARTAY HOYE LAMHO
SOCHA HAI KABI TUM NE KE JEENA BI SAZAA HAI.